ANTONIUS de Doninis

ANTONIUS de Doninis

Archiepiscopus Spalatensis, Vir eruditus, A. C. 1600. Ecclesiam Romanam incitatus, ut aiebat, solo Iesu Christi nomine, deseruit, et in Anglia, quo se receperat, Libros de Repub. Christ. conscripsit, quibus Becanus et Eudaemon Iesuitae se opposuêre. Sed postmodum a Gregorio XV. olim condiscipulo, spe ingentium promissorum, Romam evocatus, et a Successore eius Urbano VIII. in carcerem S. Angeli detrusus, ibi non sine veneni suspicione, A. C. 1625. animam efflavit.

Cadaver post mortem, cum scriptis eius combustum est. Iac. Revius in Urbano VIII. Andr. Rivetus in Iesuita vapulante 15. S. 16. et Boccalinus in Epistolis.